من بينها السرعة الزايدة ديال “لامبارگيني”.. البوليس د الصبليون قربو يكشفو أسباب الكسيدا لي مات فيها ديوگو جوتا نجم ليفربول

گود سبور//

قربت السلطات الإسبانية، تكشف على ملابسات وأسباب الكسيدا اللي تسببت فموت البرتغالي ديوگو جوتا نجم ليفربول النگليزي.

وحسب ما كشف عليه الإعلام الإسباني، فتقرير الخبرة القضائية، قريب يخرج والتحقيق قرب يسالي، وكايقول إن الطوموبيل “لامبارگيني” اللي كان راكب فيها ديوگو جوتا كانت غاديا بسرعة زايدة كثر من القياس، وهاذ الشي كان عامل كبير ديال لكسيدا، وأن نجم ليفربول هو اللي كان سايق الطوموبيل.

ومات ديوگو جوتا مول 28 عام وخوه يوم الخميس قبل الماضي، حوالي 00:30 بتوقيت گرينيتش، ففيلاج سيرناديلا بمقاطعة زامورا، وفالبلاصة ملي دارت الطوموبيل اللي كانو راكبين فيها كسيدا، وكان جوتا يالاه تزوج يوم 22 يونيو 2025.