سايس رجع يتريني قبل أشهر قليلة من كأس إفريقيا بعد غياب طويل بسبب الإصابة

كود سبور//

رجع الدولي المغربي رومان سايس لاعب السد القطري، كايتريني بعد مدة طويلة من الغياب، والعودة ديالو جات قبل أشهر قليلة من كأس إفريقيا ’’المغرب 2025” اللي غاتكون شهر ديسمبر الجاي.

وتدرب رومان سايس مع الفريق ديالو السد القطري فالتيران، مساء البارح الثلاثاء، وهذا الشي لأول مرة بعد غياب طويل دام لمدة 4 أشهر، ملي كان دار عملية على رجليه بسبب إصابة تعرض لها.

وكان رومان سايس قبل ما يتوعت ديما من العناصر اللي منتظر يعيط لها الناخب الوطني وليد الركراكي للمنتخب المغربي، واخا ما بقاش كايعيط له من ورا كاس إفريقيا فالكوت ديفوار، ولكن الاسم ديالو كان ديما كايروج وكان فاللائحة الأولية د ليكيب ناسيونال فعدد من المرات.