ها باش خرج بلقشور من الاجتماع مع الزيات وحسبان وبيرواين قبل الجمع العام: قرار مهم يقدر يقلب گاع المعطيات فانتخاب رئيس جديد للرجا

گود سبور//

تقرر منع عدد من المنخرطين فالرجاء الرياضي من حضور الجمع العام اللي كان من المنتظر يبدا مع 4 العشية ديال اليوم الاثنين.

وسالا الاجتماع بين عبد السلام بلقشور رئيس العصبة الوطنية لكرة القدم الاحترافية، والثلاثي المتنافس على رئاسة الرجاء الرياضي جواد الزيات وسعيد حسبان وعبد الله بيرواين بمنع 10 من المنخرطين محسوبين على لائحة بيرواين من حضور الجمع العام وانتخاب الرئيس الجديد.

وطعن كل من جواد الزيات وسعيد حسبان فعدد من المنخرطين المحسوبين على عبد الله بيرواين حيث اعتبرو أن الانخراط ديالهم ماشي قانوني، مع العلم أن هذه القضية دارت جدل كبير بين المتنافسين بثلاثة حيث العدد اللي تطعن فيه هو 16 منخرط ودابا تمنع 10 منهم، وراه هذا الشي يقدر يدير فرق فالانتخابات اللي من المنتظر تخرج رئيس جديد للرجاويين فالجمع العام هاد العشية.