ها شحال د المنخرطات والمنخرطين حاضرين فالجمع العام د الرجا لانتخاب رئيس ووافقو على نقطة مهمة باش يخرجو الليلة ببريزيدون جديد

گود سبور//

تحدد عدد المنخرطين بالرجاء الرياضي اللي حاضرين دابا الجمع العام العادي وغير العادي لانتخاب رئيس جديد للنادي.

وحاضرين دابا فقاعة الجمع العام ديال الرجاء الرياضي 127 من المنخرطات والمنخرطين بالنادي، وغايكون على العاتق ديالهم انتخاب رئيس جديد للخضرا خلال هذا الجمع العام، من المرشحين جواد الزيات وسعيد حسبان وعبد الله بيرواين.

وسول رئيس العصبة الوطنية لكرة القدم الاحترافية الحاضرين من مرشحين للرئاسة وأعضاء لوائحهم ومنخرطات ومنخرطين أنه إلى كانت جولة ثانية فالاقتراع واش يدوزو مباشرة له فهاد الجمع العام حيث الجمع العام سيد نفسو، ووافقو بالإجماع على المرور إلى جولة الثانية مع العلم أن القانون الداخلي للرجا ينص على منح آجال لإجراء الجولة الثانية إذا ما كانت جولة ثانية بين المتنافسين على الرئاسة.