ريال مدريد وصلو معطلين لنيوجيرسي بسبب العاصفة وطيارتهم هبطت فنيويورك بتدخلات من الفيفا

كود سبور//

وصلو ريال مدريد الإسباني فرحلة صعيبة لنيوجيرسي فالميريكان باش يلعبو ضد باريس سان جرمان الفرنسي، اليوم الأربعاء دومي فينال كاس العالم للأندية.

وحسب برنامج “ال شيرينگيتو” الإسباني، فريال مديري وصلو معطلين لنيوجيرسي بساعتين على الوقت اللي كان خاصهم يوصلو فيه، وأنه كانت تدخلات من طرف الاتحاد الدولي لكرة القدم “الفيفا” باش تم السماح للطيارة تهبط بمطار نيويورك حيث شحال وهي فالسما بسبب الأحوال الجوية والعواصف، مع العلم أن الطيارة شحال وهي واقفة قبل ما تقلع من مطار فالرحلة “بالم بيتش” بفلوريدا.

ولاعبين ريال مدريد اليوم الاربعاء ضد باريس سان جرمان دومي فينال كاس العالم للأدية مع 3 د العصر بتوقيت ميريكان اللي هي 8 الليل بتوقيت المغرب، مع العلم ان العواصف فهاد كاس العالم للأندية تسبب فتوقيف عدد الماتشات، وتأجيل رحلات جوية فعدد من الولايات الأمريكية.