ريال مدريد حاصلين فمطار “بالم بيتش” بسبب عاصفة فمريكان قبل ماتش دومي فينال مونديال الأندية ضد PSG

گود سبور//

حاصلين ريال مدريد الإسباني فمطار “بالم بيتش” بولاية فلوريدا الأمريكية، وباغيين يمشيو لنيوجيرسي باش يلعبو ضد باريس سان جرمان الفرنسي دومي فينال كاس العالم للأندية اليوم الأربعاء.

وحسب برنامج “ال شيرينگيتو” الإسباني، فالرحلة ديال ريال مدريد إلى نيويورك فالشك واش تكون فوقتها، بسبب تنبيه من عاصفة جوية غاتضرب البلاصة اللي فيها مطار “بالم بيتش” بفلوريدا، وهذا الشي غايخلي الطيارة ديال الفريق ما تقلعش.

ولاعبين ريال مدريد اليوم الأربعاء ضد باريس سان جرمان دومي فينال كأس العالم للأندية مع 3 د العصر بتوقيت ميريكان اللي هي 8 الليل بتوقيت المغرب، مع العلم أن العواصف فهاد كاس العالم للأندية كتسبب فتوقيف عدد من الماتشات، وتأجيل رحلات جوية فعدد من الولايات الأمريكية.