حماية مشاريع المونديال من “الاستغلال السياسي”.. لقجع موجد قانون إحداث مؤسسة “المغرب 2030″ ومصادر لـ”كود”: غايدوز بسرعة البرق فالبرلمان قبل عطلة الوزراء والبرلمانيين

كود الرباط//

تستعد الحكومة لإحداث مؤسسة المغرب 2030، وذلك تزامنا مع تسريع وتيرة إنجاز المشاريع الخاصة بمونديال 2030 الذي ستحتضنه المملكة بشراكة مع إسبانيا والبرتغال.

وكشف بلاغ رئاسة الحكومة، بأن المجلس الحكومي برئاسة عزيز اخنوش، سيتدارس في بدايته ثلاثة مشاريع قوانين يتعلق الأول منها بتغيير القانون المتعلق بالحالة المدنية، والثاني بحماية الحيوانات الضالة والوقاية من أخطارها، والثالث بإحداث “مؤسسة المغرب 2030”.

مشروع قانون إحداث مؤسسة المغرب 2030، جايبو فوزي لقجع الوزير المنتدب المكلف بالميزانية، وغادي يقدمو يوم الخميس فاجتماع المجلس الحكومي، ومن المتوقع حسب مصادر “كود” يزربو عليه فالبرلمان، قبل العطلة ديال البرلمانيين والوزراء.

بل أكثر من ذلك، حسب ما توصلت به “كود” من معطيات، الحكومة هضرات مع رؤساء فرق نيابية باش يكونو واجدين يوم الجمعة، أي مور المجلس الحكومة مباشرة ب24 ساعة. بعض رؤساء الفرق البرلمانية تعلمو وفراسهم الخبار وقابلين، خصوصا وان المشروع جايبو فوزي لقجع، أحد الوزراء القلائل لي عندو علاقات جيدة مع مختلف الفرق البرلمانية اغلبية ومعارضة. عندو مكانة خاصة عندهم.

عدد من البرلمانيين بداو يسافرو ويدوز العطل ف اسبانيا ودول اوربية، وداكشي علاش الحكومة بغات تزرب باش كولشي يدوز قبل العطلة.

مؤسسة المغرب 2030، كاين لي كيشوفو بلي “غادي تقطع الطريق امام محاولات تسييس مشاريع المونديال..”، وبالتالي للي غاينسق فهادشي هي مؤسسة المونديال (المغرب 2030) ماشي حكومة المونديال .