جواد الزيات رئيس جديد للرجا بعدما ربح بيرواين وحسبان

كود سبور//

ربح جواد الزيات انتخابات الرئاسة فالرجاء الرياضي، وطلع رئيس للنادي بعدما ربح المنافسين ديالو  مساء أمس الاثنين فالجمع العام.

وسالات الجولة الأولى من انتخابات الجمع العام فالرجاء الرياضي بالدار البيضاء بإقصاء المرشح سعيد حسبان اللي جاب 34 صوت، وجواد الزيات جاب 67 صوت، وعبد الله بيرواين جاب 40 صوت، وداز كل من الزيات وبيرواين للجولة الثانية واللي ربحها جواد الزيات برصيد 91 مقابل 43

وبهذا طلع جواد الزيات لرئاسة الرجاء الرياضي للمرة الثانية، بعدما سبق له وترأس النادي خلال مرحلة سابقة بين 2018 و2020.