كود سبور//
تعطل انطلاق الجمع العام ديال الرجاء الرياضي لانتخاب رئيس جديد للنادي، بعدما كان غايبدا اليوم الاثنين مع 4 العشية بالدار البيضاء.
وحسب مصادر مطلعة، فالمرشحين بثلاثة جواد الزيات وسعيد حسبان وعبد الله بيرواين دايرين اجتماع مع رئيس العصبة الوطنية لكرة القدم الاحترافية عبد السلام بلقشور، بسبب شي منخرطين جداد يالاه تزادو مؤخرا فلائحة بيرواين وعددهم 16 كايطعن كل من الزيات وحسبان فمشروعية انخراطهم وبالمقابل بيرواين كايأكد ان انخراطهم قانوني، وراه هاد المنخرطين يقدرو يديرو الفرق فالانتخابات.
وكايتسناو الرجاويين انتخاب رئيس جديد للنادي وسط تنافس قوي بين الثلاثي جواد الزيات وعبد الله بيرواين وسعيد حسبان، صعيب يتعرف شكون غايربح هاد الانتخابات وسط انقسام بين الرجاويين ولكن المنخرطين هما اللي عندهم الكلمة الفصل.
#جمع #الرجا #تعطل #وبلقشور #داير #اجتماع #بين #المرشحين #بثلاثة #وها #علاش
